خليك جدع
حصن الأمان فى المجتمع
إصلح مابين الناس وعيش
صابر وراضي لو مافيش
خليك عفيف
ظلك خفيف
لو كان ف قلبك شئ نظيف
نميه بظن الخير فى ربك
باللمشيئه
لو فى بيئه
عايمه بين بحر البدع
خليك جدع
خليك ولد
قادر تقول
ولا يوم تخاف
الكلمه سيف
والسيف قانون
ذبح الخراف
والإعتراف وقت الخطأ
اكبر دليل انك بترفض للخلاف
والسيف قانون رد ودفاع
خليك شجاع
اكسر قانون لوي الدراع
اوعاك فى يوم تلوي الدراع
او حد يلويلك دراع
الخوف سراب يهدي لضياع
والناس جياع
وانت ف اديك تزرع امل
لو أرض بور
خليك قلم
يكتب شهادة حق
فوق سطح الهرم
انا عبد بين حد وقانون
لو جاز
فلازم تستمع
خليك جدع
ذاكر وجاهد اخترع
زاوية سلام
مش عيب تكون انت الإمام
ف زمان لا بيحل الحلال
ولا حتى بيحرم حرام
بين الزحام اصنع نظام
العدل من طبع الكرام
الظلم نار فيه انتقام
الحب بين كل الأنام
افشى السلام
الخوف بليد والإحترام
منزل كرام
اصحاب مقام علم وأدب
الشعر جايز فى الخطب
لو كنت من أرض العرب
محتاج تعيد عهد الكتب
تلغي قانون رقص وطرب
ضيع شباب المجتمع
دربك وجع
خليك جدع
اوعاك تخاف
امشي ف طريقك بالسلام
لو حتى كان ف عنيك سراب
احزر تخاف نبح الكلاب
وتعيش فى دور ثبت صنم
خليك علم
اوعاك فى يوم تكسر قلم
او حد يكسرلك قلم
فرعون بذات نفسه اتهزم
احزر فى يوم تبدي الندم
على حلم ضاع
خليك شعاع " بسمة أمل "
انطق عسل
اروي ظمأ إطعم جياع
طلاب سلام
بين الأنام
أخلاق كرام
والعلم " نور " المجتمع
خليك ....... .
ليست هناك تعليقات:
إرسال تعليق