{{{ أنا ماشي
}}}
انا ماشي ومش ندمان
مبندمشي
على اللي خان
ومش خايف
أموت بعدك
ولا بعدك هيحرمني
مهوش حرمان ..
من الفرحة
سنين طارحة
فرح اللوان
بلون ابيض
ولون ابيض
ولون ابيض من الأبيض
ف كل مكان٠ انا ماشي
ومش ندمان
ومش خايف من الضحكة
تكون صاعقة
على راسي
منيش راسي بمركب
حبي
فوق شطك
منيش شطك ولا احرق
بيكي احزاني
يا مية وردة
لكن دبلوا عشان بعدوا
عن احضاني
مفيش تاني
تراب يزرع ورود ليكي
ولا اهديكي
ساعات سعدي
ولا تساعدي
عيون قلبي على
الرؤيا
مهيش ساقية
نحب ولحظة نتعادى
ونرجع تاني كالعادة
اشيل ارضك على اكتافي
منيش خايف
وانا خافي
ماضيا معاك ومش
ظاهره
دا من ظهره
جنيت الويل
....... والدمعة
سهرت الليل
.... بدون شمعة
تنورلي
طريق صحبة
بقيت لعبة
....... لشيطانك
بقيت أعمى ف أحضانك
ومش شايف
.......حبيب غيرك
ولا عاشق
........ عيون ثانيه
ولو ثانية هتبعدني
... فمن جبني
بشوف أمني ف.........
أحضانك
بقيت
...... لعبة.........لشيطانك
ولا خانك حبيب
...خنتيه
ولا قالك
بقولك إيه
أنا مفارق
لكن لمااا
تخوني الحضن والضمة
وعاملة بريئة مهتمة بأحوالي
ومن خيبتي أبيع
عيلتي
حاربت
عشانك أخوالي
بقيت خالي
........ من اللمة
أسير ضمة ... لمهتمة
بتنكر حبي وأفضالي
وفجاءة الحزن يفضالي
يفارق كل أوطانك
ويهدم برجي العالي
بقيت خالي
من الساتر
.... ومش قادر
أقولهالك
..... أنا ماشي
لكن لما
تخوني الحب
... أقولهالك
{{{ أنا ماشي }}}
.
بقلم البسطاء
ضياء الإدريسي
الهويسي
ليست هناك تعليقات:
إرسال تعليق