تاجر الصبر



...{{{ رااائعة }}} ...

من روائع الإدريسي

*******

  {تاجر الصبر}

********

يا تاجر الصبر ملليت

{ تعاديني }

زرعوا ف طريقي الخوف وانا جيت 

{ تعاديني }

يا دنيا مش قادر  ** أكمل المشوار

 واعيش حياتي بار لأحباب

{ تعاديني }

*******

قالت بحبك يا فتى والحب

{ انار روحي }

قلت العشق كداب والحب

{ نار روحي }

هتلاقي غيري كتير ** مليون حبيب تاني

لو قالوا  إني أناني حبي

{ انا روحي }

*****

لا إنتي طبيب فى الهوا   ولا كنت انا

{ مرضاك }

لو كنتي صح الدوا   الدنيا ليه

{ مرضاك }

داويتي جرح بجرح ** وقلبي ياما حمل

لو كنتي ضي الأمل حالف أنا

{ مرضاك }

*****

ياللي عاشق هواكم ف الحب

{ ماليكم }

الوعد طال بالحب والكدب

{ ماليكم }

هرحل فى عز الليل **  لكن هعيش محتار

من الصعب إني اختار دا القلب

 { ماليكم }

******

عايش حياتي ليه وزماني

{ قالبني }

وزمان رفض ابنيه زماني

{ قال ابني }

صنعت قلبي وطن ** للكل يسكن فيه

مجدي اللي انا بابنيه زماني

{ قال ابني }

*******