{{{ أه بحبك }}}}
أه بحبك
حتى عندك
ميت دليل
إني بقسم ليك بقولك
إني هفضلك ف ضلك
مش هملك
مهما كان الصبر ويل
مش هقولك
اني اكونلك
حد يصنع مستحيل
صدقيني
أه بقولك
إن كلك
حر شمسك ، برد ظلك
شئ من الأخر
جميل
دي الحقيقة انك انتي
مهما كنتي
شئ من النادر
مثيل
انتي بدر ف كل ليل
صدقيني قلبي حبك
حتى عندك
ميت دليل
إني عاشق ليك وباقي
ان حبي واشتياقي
مش لغيرك
إني بفرح اما اشوفك
اني اخاف لو شفت خوفك
ليه تخافي
طب ودينك
لسه فاكرة عمو عبدو
بتاع زمان
كنت اجيب ليكي اللبان ،والعصاير
كنت بحلم اني اللمس شعره
واحدة م الضفاير
كنت غاير من كتابك
اما تقري اللي ف عنيه
لو نعستي بتحضنيه
مش
ناسيه
لسه سامع همسه ليكي
يوم ما قالك ان قلبي
أقسم انه مشتريكي
إنه ليكي مهما كان
حتى لو دار الزمان
والفراق كان القدر
مستحيل انسى اللي كان
منه بيغير القمر
راح أعاند الرياح
وانبش الرمل بأديا
وأقتل اليل اللي صانع
الف سد يصد فيا
هبقى ليكي وتبقى ليا
مهما كان
هتلاقيني ليك أمان
لسه
تاني بتسأليني
حب عمري ، نن عيني
طب وديني
قلبي حبك حتى عندك
100 دليل
إني بقسم ليك بقولك
إني هفضلك ف ضلك
مش هملك
مهما كان الصبر ويل
@@@
بقلم
ضياء الإدريسي الجميعي
ليست هناك تعليقات:
إرسال تعليق