برغم الظلم والساكت
صباح الخير على بلدي
على امي على ولدي
على احلامنا لو ماتت
على أشواقنا لو هانت
على روحنا
صباح البسمه يا جروحنا
صباح واحنا
ف حضن الطاعه والجنه
صباح الحب
صباح الورد يا عمي
صباح الفل يا خالي
صباح المسك يا صاحبي
يا بابا يا ماما يا عيالي
صباح الفرحه والرحمه
صباح البركه والنعمه
صباح النور على الطيبه
ف قلب حبيبتي
لو ماتت
صباح الآمن ف بلادي
ولو حتى السنين طالت
صباح الحب والرحمه
#سكينه ونسمه لو زحمه
صباح النور على الأعمى
صباح الصدق يا مفتح
صباح الفجر لو ظلمه
ولو ظالمه
وبنصبح
على نيلها
على مطرب يغنيلها
على شاعر يقول ليها
#صباح_البسمه_ف_عنيها
على كاتب بيرويها
على لاعب بيهديها
تيجان النصر فوق راسها
وكاس الدنيا ف إديها
صباح
يارب يحميها
بتضحك لينا ف الشدة
وبتنادي
بنسمعها
ف صوت الفجر بنشوفها
بنفرح لما نوصفها
كأن المسك ف ترابها
وبنصلي ف محرابها
بنضربها
بتضربنا
بنعشقها
بتقتلنا
بتخذلنا
بنفخر بيها لو حتى ف ناب الديب
نحررها
وبولادنا
صباح الموت على الفتنه
صباح السلم من إيدنا
لكل الناس
صباح الشكر للمولى
صباح الصدق والإخلاص
صباح الوحده يا دوله
بتضحك بس للحراس
صباح الود يا جاري
صباح البركه للشاري
وع البايع
صباح الصدق
صباااح الحق
لو غايب
صباح السكر الدايب
على عنتر على عبله
على استاذي والأبله
على مراتي ولو هبله
بتضحك والمرار كاسي
بتصنع فيا وسواسي
بإن الضحكه مصنوعه
برغم الصبر مشروعه
ف أسوء حاله مطلوبه
صباح الخير
يا مضروبه
صباح الصحه يا عامل
صباح الفهم يا طالب
صباح العقل يا جاهل
صباح الرأي يا سالب
صباح الورد يا فلاح
صباح النهضه والإصلاح
صباح النصر يا قائد
صباح الحق يا معارض
صباح الصبر يا مواطن
صباح الحمد يا حامد
وع الثائر وع الساكت
صباح الوحدة _ تبنيها
صباح الخير على بلدي
وبدعي لربي يحميها
صباح النسمه والبسمه
صباح الفرحه ف عنيها
صباح النصح يا أمامنا
صباح العدل يا قاضي
كرهت ف حب إعلامنا
ضياع الوقت ع الفاضي
صباح الحلم ع الرافض
صباح الجنه لل راضي
صباح الخير على الهادي
على الناصح و ع الراسخ
صباح الخير على بلادي
برغم
دلعها
الماااااااااااااااااااااااسخ
صباح الخير على ولادها
من قلب #ضياء_الادريسي
ليست هناك تعليقات:
إرسال تعليق