بنت بلدنا
مش بتخاف من دنيا بتفنا
مننا فينا ولونا ف ريفنا
فيها جمال الدنيا بحاله
فيها الحب شروطها حلاله
فيها الرقه
فيها الطيبه
مش بتحب يا ناس العيبه
اسمها حلم
حلمها علم
علمها عالي
مهرها غالي
نفسي وبحلم
تبقى حلالي
حاسس بالأحلام ف عنيها
بسمه بتسحر قلبى انا بيها
لما بتضحك مش بسمعها
بس بشوفها بنن العين
لما بتزعل مني اسألها
ليه القمر الليله حزين !
تضحك وتقوللي الأحلام
أفضل من جنة أشواق
أبكي _ أقول والله حرام
طول العمر ف بحر علام
حلم العلم مالوهشي نهاية
ولا ليه وقت وحد وكام
أدخل اوضتي اتغطى وانام
اسمع لحن الطير ف وداني
أهرب من جنبي
على التاني
بحلم
بس بخاف اسمعها
لما بتضحك مش بمنعها
لكن بمنع روحي الفرحه
بيني وبينها العقل الباطل
بيني وبينها الفكر القاتل
بيني وبينها السم الهاري
جهل العادة
وتقليد ماضي
بيني وبينها
الحكم القاضي
لما الجهل بيحكم عاقل
واما الصعب بيغلب راجل
لما الحضن الأمن قاتل
كانت
لازم تحلم تقدر
يبقى معاها شهادة وتكبر
لما بتمشي ف وسط الحاره
كل الناس بتقول دكتوره
سحرت قلبي يا ناس من صوره
زي مغروره
بسحر شرفها
تاج العفه وربي سترها
بحفظ كتابه
بنت بلدنا
فيها الروح بتروح للعاشق
يسهر طول الليل ماينمشي
تمشي تقولها انك دايب
تحلف انها مابتحلمشي
غير بالعلم ولقمة عيش
تسأل ليه ؟
الرد مافيش رحمه ف أم ال100 مليون
كل ساعات الليل محسوبه
بين نار حر وبرد ف طوبه
بين اوهامنا وموت اولادنا
قلبي بيعشق
بنت بلدنا
سحرها ساري
زي البدر وزي النجمه
أعذب لحن واطيب نسمه
أمنها فرض وحبها نعمه
بس ياريت
تقبل أعذاري
إني كتبت قصيدة عليها
إني بشوف النور بعنيها
اني بحبها اكتر منها
ورحلة عمري معاها وبيها
بنت بلدنا
