احنا عشمنا فى ربنا

إحنا عشمنا فى ربنا

بعد الكفاح _الحلم راح
ليه النباح _يا خلق هوووووه !!؟
يمكن يكون _ربك ما أااان
أو ذنب لازم نغفروووووووه
المونديال لو كان محال احنا المحال ما بنعرفووووه
مبتسألوش ليه عننا .؟
2006 مش لنا .!!
علشان بطوله ف أرضنا
قلتم معاك
جمهور كبير _ قاهر ووقف قلبنا
قلنا صحيح
جمهور كبير _ لكن عشمنا ف ربنا
فات الكتير
باقي القليل _ من أرض غانا مش بعيد
ولا مستحيل
نقدر نعيد _ حصد البطوله من جديد
غانا تريد
أحلام بليد _ لكن أكيد _ مصر هنا
من وسط دارهم خدنا كاس
كاس البطوله بإسمنا
2008 كان لنا
أسمع بنا
وبلاش توسوس للجيران
إن ابن مصر بينهزم
عيب اختشي
يا مرتشي
دا لعب كوره بالقدم
المصري لو حتى انهزم
معرفش يوم معنى المحال
المصري أقوى من الجبال
2010 كان مثال
يوم { جدو } قال _ إحنا كرام
مش ع الجفا
موهوب وعلم عالقفا
كانت بطوله مشرفه
لكن وطن
فيه الرياح ضد السفن
الحلم
مش فى المونديال
المصري مشغول بالوطن

كفكف دموعك { يا تريكا }
وعود لنا
واخد قرار _ بكرا انتصار
كل الأماني ممكنه
غانا تريد
والخوف بليد _ لكن أكيد _ بكرا لنا
إحنا عشمنا فى ربنا

مليون بحبك

.____ مليون بحبك ____...

كنتي اسأليني عن السبب
ليه خفت إنك تغدري ...؟
مش ترمي نارك عالحطب
وتبيعي قلبي وتهجري !!!
لو صبر ساعه ملتيه
أنا صبري كان مليون سنه
عندك الصبر إسأليه
مين ارتواه غيري أنا
كنتي اسأليني ح قولك ايه
غير إني خايف جنتك
يرويها غيري وتعشقيه
وتموت ورودي ف جنتك
مين كان زرعها
وجنتك
مين كان بناها
بذمتك
غير قلب عاشق
قلبى انا
عاشق
ومش ناسي الجميل
انك معاني لك شئ
طبعآ جميل
زي القمر ، شمس النهار
زي الحكايه
اللى انحكت عن شهريار
يا شهرزاد
مليون بحبك
الف ليله وليله ، حبك
كان حلال
ومازال بحبك
كنت خايف من عيونك
تكسر الحد اللى بينا
تحلم الأحلام لغيري
ترمي خيري ف التراب
تسمع الأحزان ف قلبي
تحلف انه مش عذاب
كنت خايف تخدعيني
خوف طبيعي بمعنى غير
أي معنى جه ف بالك
معنى خوفي
عليك بغير

ليه تهجري قلبي اللى عايش لك عشان محتاج حنان قلبي اللي كان طول الزمان
عمال يقول كلمة بحبك
ليه تهجري قلبي اللى قال إنك جمال ملهووش مثال بين البشر حبك حلال
دانا لو هعيش
عمرين هحبك

إرجعيلي دا مش محال ارجعي لقلبي اللى قال مليون بحبك

بقلم ضياء

االحلم القديم

أصبح صور

حلمي القديم قلبي السليم
يقدر يسمع كلمته
حلم الحياه أصبح صور
مؤمن وراضي بقسمته
راضي أنا
لو حتى فات مليون سنه
راضي انى اعيش
راضي بقدر
رب العباد _ ربي أنا
حلمي القديم _ حلم الحياه
أصبح صور
مكتوب على حلمي وانا
عالخط بنلم الكور
تحت الفريق
حلمي الغريق _ ف الدم _ خايف ينسرق
أحلام وطايره زي ورق
ضد الرياح
تحت المطر _ بين السكوت _ إما الخطر
حلمي القديم حلم الصغر حلم الكرامه يا بشر
أكسر لجام الخوف وأشوف خير القدر
البوم صور
جوه الميدان صورة شهيد
رافض يعيش دور العبيد
لإي حد من البشر
رافع شعار
الثورة نار تحرق قلوب زي الحجر
ربك كبير _أعداد كثير_ ثورة يناير _ يلا شير _ ضد الظلام _ أعمى الضمير _
حلم الرحيل _ أصبح أكيد _ مش نردشير _ فات الكثير _ باقي القليل _ جانا
البيان _ إعلان رحيل _ دوله عجوزه _ والبطانه كلها
ثورة يناير لو تموت _ يبقى الخيانة ف أرضها
يبقى انتهى
حلمي القديم
حلم الحياه _ إني أعيش أرضع أماني
لو مفيش
لقمة وأريش _ بحلم بعيش
حريه أمن
وعدل بين كل البشر
٠بقلمي
ضياء الإدريسي

لو بطنا نحلم نعيش

{{{ لو بطلنا نحلم نعيش }}}
___________________
لو كان على الاحلام
بطلنا نحلمها
الكل فيها إتلام
ولا حد يوم لامها
بالذمة دا اسمه كلام
علشان جروحها تنام
أشرب ف كاسها الااام
وانا ليها خدامها ...!!!
@@@@@@
عامليني مولى الدار
بالحب عامليني
راضي بصليب الجار
رغم انه عاب ديني
واللي اترمى ف النار
قبل القيامة بيوم
صعب انه يبقى البار
ارجوكي سامحيني
@@@@@@@
لما الأمين متهم
وابن الكرام متهان .!!!
زرعوا ف أرضي اللغم
خاين خسيس وجبان
إزاي يا بلدي ، النعم
تغرق ف بحر الخوف.؟
رغم اني خالي الجوف
ابدآ ما قلت جعان .!!!
@@@@@@@
وان قلت مش عيبة
لكن الكروش هتلوم
دمع الرجال خيبة
ياللى ف سماكي غيوم
كان ليكي أه هيبة
مكتوبة ف الدساتير
لكن الإله ستير
مسيرها ترجع يوم
@@@@@@@
نص السلام ملامات
والنص لعيونك
كل اللى حبك مات
والباقي بيخونك
عندك كتير علامات !
النهضة فين راحت ؟
يا عايشة عالأزمات
رب العباد عونك
@@@@@@
أضرب ودع بالليل
حلمي أشوفك ضي
أو حتى اشوف قنديل
حاسب وزير الري
مات السمك ف النيل
بعد الغروب عالشط
لو قل جهد الفيل
لازم علاجه الكي
@@@@@@@
وابنيكي بس ازاي
والنقد فيك هدام
خايف يا بلد الناي
ترميني ف الأوهام
وابكي عشان ارتاح
أغرق ف بحر جراح
واصنع بصمتي سلاح
تقتلني بيه أقذام
@@@@@@@
انا من كلامي عليك
الكل جه زارك
بحلم أشوفني فيك
ويشوفني منظارك
مين اللي قادر بيك
يرسم ف حلمه نهار
خايف اجيب العار
بدل اني اجيب تارك
@@@@@@@
على قد خوفي عليك
أصبحت اخاف منك
كل اما اشوفني فيك
وكأني مش منك
ارسم ف نن عنيك
صورة ولد مجدع
لكن الدموع ترجع
تمحيني من ننك
@@@@@@@
ضياء الادريسي

ام العالم _ارض الدين

كلمات اغنية ام الدنيا بينا _ نعرف _ امنا _ بينا محمد _ مينا _ ملاك وأمين لما تشوفنا _ ح تفرح أكتر وتقول الله _ صلاة الزين أنا من صغري بحب ترابك كنت الجنة _ وكنت عذابك كنت الحارس انا على بابك اسمي محمد صلى على _ طه الأمين مصر ح تفضل فينا وبينا أمن أمان وليوم الدين كل كلامي معاك كان سكر كنت بحب يدوب استفسر امي بتفرحي ؟ إفرحي اكتر _ اكتر _اكثر ربك اكبر _ من ازماتك _ احمى ولادك _ جوه العين صح كلامك _ انا مين هيا انا من مصر الطيبة _ قوية امي باهيه _ رفعنا علمها ، وراح نخدمها _ ليوم الدين مصر دي ريحة مسك _ وعنبر رغم الطيبة ، قوية _ بتقدر مصر بتشكر كل ولادها _ ف ثورة يوم خمسة وعشرين بينا _ نعرف _ امنا _ بينا _محمد _ مينا _ ملاك وأمين راح نحميها _ ونقبل فيها _ كل احزابها _ سياسة ودين أنا مش قادر _ اقول ولا كلمة الا كلام _ قولناه _ ف النصر عيشي يا مصر _ تعيشي يا مصر _ تعيشي يا مصر _ التاح عالراس _ والنور ف العين أنا م المسجد بعلن ليها اني بموت لو اشوف ف عنيها حاجة تإذيها _ وقولتها ليها بحبك لما _ تلمي الشمل _ سياسة ودين أنا قولتلكم امنا عارفه محمد _ مينا _ ملاك وامين كل الشعب دا مسؤول فيها أما الفوضة دي راح ننهيها نقسم ليها _ ان احنا ح نقدر _ نقدر نكبر _ نكبر اكبر _ من كل الميادين مصر ح تفضل فينا وبينا أمن أمان وليوم الدين تسلموا ليها _ شباب يفديها _ وعاش يحميها _ صلاة الزين تاني ح قولك اسمي ملاك روحي ودمي وعمري فداك مصر يا أمي ملاك عاوزك ترسمي شعبك جوة كتابك شعب مناضل شعب امين مصر ح تفضل فينا وبينا أم الدنيا _ وأرض الدين مصر يا أم _ مبارك مرسي _ جمال وسادات _ ونجيب ف العين كله بيغلط _ يالا نسامح _ قولي مسامحه _ احنا مسامحين دانا من يوم ما عرفتك بلدي خدتك امي وام لولدي بحبك بلدي أمان وسكينة _ وشعب أمين ايوا صحيح _ اي والله بجد مصر كيان _ ومحال ينهد مصر بتفرح لما امد _ اديا _ وأعطف _ عالمسكين امنا مصر _ يا عالم اجمع راح _ نحميها _ ليوم الدين يالا يا مصر _قومييلي بهمه افتحي حضنك _نادي اللمه وضمي الضمة ضمة ام _ بريئة _ رقيقة _ بتتطرح _ حب ونور ف العين أم حضارة _ وأم تاريخ فيها البابا _ وفيها الشيخ فيها الأزهر فيها كنيسة _ أم حريصة _ تلاقي الوحدة _ بين اولادها _ ليوم الدين لما اتنازل لها عن حقي أو تتنازل صعبه ف ايه فكرة جميلة ، نمد ادينا فتنهض بينا ، وننهض بيها ونحمي حدودها ونرفض موتنا _ ف الميادين إحقن دم _ المصري_ يا مصري _ دم المصري _ دا غالي ثمين احزر دم اخوك المصري دمك جوه وريده بيسري فكر تبني عمر ارضك ، شمر ساعدك علي الهمة يا شعب امين بينا _ نعرف _ امنا _ بينا _ محمد ، مينا ، ملاك ، وأمين راح نحميها ونقبل فيها _ كل احزابها _ سياسة ودين أم _ محمد ، مينا _ دي مصر أم العالم _ أرض الدين ( أم الدنيا ، أرض الدين )           _________________    تعالي اعانق فيك السماء وارسم في مقلتيك احترامي صفحتي عالفيس بوك http://www.facebook.com/diaa571 مدونتي http://www.google.com.eg/url?sa=t&rct=j&q=&esrc=s&source=web&cd=1&cad=rja&ved=0CCoQFjAA&url=http%3A%2F%2Fdiaa571.blogspot.com%2F&ei=eWw-UZ2WJO6S7AbJ4YHwAw&usg=AFQjCNFmLIXdo23TZAXOyY33IE8soChhqA&bvm=bv.43287494,d.d2k

مين ح يسمح لك تموتي

{{{ لسا ف اولادك شريف }}}
مين
هيسمح لك ___تموتي
ليه تخافي م النضال
كل طلبي
ان القى ____ قوتي
هل ف طلبي
____ شئ محال
مش صحيح الحب ___ نعمة
لو تموت
____ فيك العيال
م الغريب ان القى بلدي
كل احلامها
احتمااال
مستحيل ان ابني فيكي
وانتي بتهدي ____ الجبال
صدقيني
كرهت صمتك
واحترمتك
يوم سمعت أذان كرامتك
جوه شارع ___ فيه
كينيستك والمساجد
كنت خايف كنت ساكت
واما صوتك شق
صمتي
قمت قامتي
يومها فاكرك
إنتقمتي ، م اللي خانك
داس كرامتي بالنعال
مين
هيسمح لك ،،، تموتي
وانتي موتك مش حلال
ياللي فيك
احلام صبانا
واقفة ترضع ____ م الرصيف
صوتي لو
كان لك أمانة
صمتي مرسوم ،،، عالرغيف
مين هيسمح لك
تموتي
لسا___ ف ولادك شريف

إبن ريف
ضياء

عشان خايفة

{{{ عشان خايفة}}} ._______***_______ بلاش تقوليها يوم ليا أنا مفارقة ، عشان خايفة ____***_____ لتبعدنا السنين تاني !!!!!!!!!!!! ورغم ان انتي عرفاني محال انسى ____حبيب ساكن ف وجداني . ياروح فى الروح بتسكني ومالكة القلب ______ ملكاااني ___ تعالي نعاتب الدمعة ______ ونرسم ف الطريق شمعة يا بسمة عمري وحشاني مليش ف الدنيا غير حبك بموت ف عنيكي __ وبحبك بحب الحب من حبك بلاش تبقى انتي ____ أحزاني عشانك قادر اتحمل واصاحب ليلك السهران على اكتافي وارمي ف حضنك الدافي كلام ف القلب مكتوبلك اكون توب لك وطرحة جميلة فوق شعرك أكون شاعرك واكتب فيكي ابياتي مفيش قبلك ، ولا بعدك ولا أقدر على بعدك وفين وعدك وحلفانك يا جذابة بسحر عنيك وغوش ف اديك وتوب معاليك ___ وحلقانك وبعشق فيكي إيمانك ولما بتلبسي الطرحة بشوفك وردتي الطرحة والاقي ف دنيتي الفرحة بترسم حرف ف كتابك ماتيجي نودع الأحزان ونصنع فجرنا وعيدنا ونمحي الدمع م الأجفان ونقتل صمتنا بإيدنا يا حلوتنا يا شبه السمكة ف المايا يا وردتنا ونفسي أقطفها بأديا ملاك ليا وروح فيا ونبض القلب من أول ماشفت الدنيا بعنيا بلاش تقوليها ...... يوم ليا أنا مفارقة_____ ____عشان خايفة لتبعدنا السنين تاني ... بقولهالك محال ابدآ يكون البعد عنواني .....} ضياء الإدريسي

فيديو عشان خايفة

عشااااااااااااااااااااااااااان خايفة

فيديو مفيش بعدك

قصيدة مفيش بعدك

قناتي على اليوتيوب

 قناتي على اليوتيوب

http://www.youtube.com/user/diaa57111

رسالة م القدر

_____******_____ *** أوراق بتسقط م الشجر وحب مرفوض م القدر والقلب خايف ينكسر رغم انه مات غرقان ف بحر الذكريات ___ والموج عنيد والصفحة مطوية ف كتاب تحت الجليد مبقاش يفيد __الحب ثاني والأماني والسهر والذكريات وارسم دموعي زي مطر على خد مات وافرحلي ساعة وانكسر كل الساعات انا مش جماد _____ لكن بشر ***محتاج رسالة م القدر افرح يومين محتاج ايدين ___ تتمدلي مش الف ايد بتهدلي حلمي البسيط حلمي اللى عاش ديمآ طريد بين الكهوف يقتل ف خوف __ اتعلمه على ايد بشر مبيفهموش للحب معنى مبيفرحوش غير يوم وجعنا يوم أهاتنا ___ ويوم دموعنا غرقت مركب رجوعنا اتخدعنا واتجرحنا يوم فرحنا كان ودعنا م اللي كنا ، شمس دارهم كنا جارهم يوم مرارهم باختيارهم مات ضميرهم كان قرارهم قصة الحب اللى بينا تبقى ماضي وانتحر ________ طبع البشر فينا الملاك __ فينا الشيطان فينا اللى عاش مخلص امين رغم ان فينا قلوب كتير أشد واقسى من الحجر وفينا ناس زي الشجر طارحة الثمار وفينا كام مليون {نوبل} صانع دمار وفينا ناس ملهاش قرار وفينا ناس يوم تنكسر م الصعب تلقى ف قلبنا قطع الغيار وفينا اللي ف صمتهم تسمع خوار وفينا اللي بيرفضوا لغة الحوار وفينا ناس حافظة الكتاب وفينا اللي بات ف بار وبرغم ان الدم واحد بينا تار كان القرار __ سوء اختيار . طبع البشر وعشان اعيش الحب تاني والأماني والسهر حلمي البسيط محتاج رسالة م القدر ..... _____ ضياااااء _____ الإدريسي

كاعادتها

{{{ كعادتها }}} في كل صباح حين ترقص الطيور على أغصان الأشجار وتحلق في السماء تغرد وتشدو أجمل الألحان إستقبالآ لشمس يومآ جديد ، وأنا أنصت لهمس الحب وحروف الغرام التي تردتها حبات الندى قبل رحيلها ، وكعادتي أفتح شباك غرفتي اجد البسمة في اجمل ثيابها ترقص على الجدران ثم أقول قولتي التي تعودت عليها اللهم ارضني بما يرضيك ، واجمعني بأهلي في الجنة ثم أنظر خلفي وإذ بأطفالي الصغار قد أمسكو بطرف ثيابي ويقولون في صوت واحد أبي إجلس كي نقبلك ، حتى إذا جلست ثم قبلونني ، إذ بهم يمسكون بأطراف اصابعي ويشدونني نحو السفرة وهم يقولون بصوت عذب هيا أبي إنصحنا ، كعادتي اجلس على السفرة وهم من حولي وكأنها حقآ جنة الدنيا ، فأنصحهم كل يوم نصيحة وإذ بزوجتي أو كما أصفها دائمآ { حورية من الجنة } تأتي وبين أصابعها الرقيقة فنجان القهوة ثم تجلس بجواري نتبادل البسمات والكلمات الجميلة وتقول أسمعني أخر ما كتبت ثم أسمعها كل يوم بيت جديد من قصيدتي{ عيونك جناتي } وأنا أنظر في عينيها ، ثم أهيئ نفسي كي أذهب الى عملي والأطفال تذهب الى مدارسهم ، وقبل أن أخرج من الباب{كعادتها } تقبلني بين عيني وتقول في أمان الله حبيبي هكذا كل يوم ، وذات يوم كان عندي مشكلة مع مدير عملي ثم استيقظت في اليوم الثاني مبكرآ وأعدت فنجان القهوة بنفسي وأخذت أتنقل بين صفحات الجرايد ، ولا أعلم ماذا قرأت ، حتى مللت فصرخت في الأطفال ستذهبون الى المدرسة أم أترككم وأذهب حتى جاءوا والحزن جعلهم كالورود عندما تذبل ، وإذ بزوجتي تقول ما بك حبيبي لعلك بخير فلم التفت إليها فخرجت ، وأغلقت الباب بشدة لدرجة أنه كاد ان يكسر * وكأنها مدير عملي * فذهبت حتى وصلت الى مكتبي فأمسكت بالقلم كي أكتب شئ أشغل به نفسي ، ولكن القلم يرفض ، فقد نفذ حبره وإذ بي أجد أحدهم يمد لي يده ويقول خذ قلمي هدية لك ، فنظرت له إذ به مدير عملي يقول لي سامحني على ما كان مني بالأمس ، ثم احتضنني فقلت له سامحتك ولكن لن اسامح نفسي على ما فعلته بأهل بيتي ، كيف حال أولادي الأن ، كيف حال زوجتي ، وما ذنبها ، جلست اعاتب نفسي وأحاسبها وإذ بي لا أستطيع الوقوف على قدمي ، فتعجبت ، ثم حاولت مرة اخرى فسقط على الأرض ، ولم أفق ، الا وأنا على سرير المرض بالمستشفي عندما أحسست ، بقطرات شهد تتساقط على فمي وبين عيني ، ثم أبصرت فوجد حوريتي {كعادتها} تقبلني ، وتقول { افديك بي حبيبي } لقد قال الطبيب انك بخير وهي تقبلني بين عيني{كعادتها }

انسبيني ح تلاقيني

{{{ حتلاقيني }}} ********* مش حقولك انسبيني يوم اكونلك فيه حبيب رغم انك عارفة اني لسا باقي لك طبيب ليه ابوس ارضك بخدي واحلم ان الليل يعدي ليه تيجيني وانتي لابسه طرحة لونها من الام الخوف كئيب !!! كل ما ابني ليه تهدي كل ما اتقدم تصدي كل ما اتكلم تردي وتقوليلي الكلام الصدق عيب !!! ليه تكوني ف صف ندي حتى كان الود ودي لو مجاملة تنسبيني لك حبيب !!! انسبيني مولى عندك اخدمك بدل الغريب صبي دمعك جوه عيني حبكي بس انتي تداريني حتلاقيني كل ناسك فضتك ذهبك وماسك حتلاقيني لسا ماسك دمعتك ف بحار جفوني لو يموت الحلم فيا محال تهوني بس كوني بسمة فوق خد العيال حتلاقيني لك مازال شهد شافي نهر صافي قلب عاشق للجمال حتلاقيني ف النضال قائد الميدان تملي صدقيني لو تملي مش همل حتلاقيني صوت ضميرك لحن طيرك حتلاقيني مش لغيرك ، بس ليكي شمس ، ظل لو يحل إني اكونلك يوم حبيب انسبيني ح خدمك بدل الغريب حتلاقيني

انا الاسف

انا الأسف وانا الغلطان وانا اللى جزاتي اتبهدل انا اللى قبلت إني اتهان وفاكرك ليا مستقبل انا اللى سكوتي كان موتي انا اللى قبلت فيك قوتي يكون باقي من اولادك انا اللى بتمحي ف ورودي انا اللى بترفضي وجودي وقتلاني بإيد وادك وبتحمل وحملي تقيل ومش قادر وبصبر مهما طال الليل لكن نادر اشوف فجرك ولما نسيتي إني ابنك منيش فاكرك عشان شايف ملاك بيموت ورحلة ف ارض مش ارضي وشمس نهارها مش موجود ومطرة دمع فوق خدي ورغم اني من الثوار لكن دلوقتي مش ثائر ومش راضي بحكم نظام ف حرب الفتنة مش قادر انا الأسف وانا الغلطان وانا اللى جزاتي اتبهدل انا اللى قبلت إني اتهان وفاكرك ليا مستقبل دموع ابنك ضياء

{ مفيش بعدك }

_____***_____

وعارفة انتي _جمال الليل

ف سحر عنيك

بيطرح ورد فوق خدك

بيسحرني جمال ردك

وبسأل نفسي __ مين بعدك

أحارب لجل ما اجيها .؟

وارمي الزهر ف اديها .؟

وازرع كل يوم فيها .؟

حنيني

وحبي

واشواقي .؟

مفيش بعدك ف أوراقي

ملاك تاني

دانا المرسوم ف أشعارك

بطل حلمك ومشوارك

يا عمر قبلته ورضيته

يا حلم 

رسمته وبنيته

عيونك نهر من جنة

ف إيدك رسمة الحنة

وانا العاشق

وبتمنى

اصاحب ليلك المشتاق لتلحيني

ولما ابعد __ تضميني

وتخديني

لنهر شفايفك الفياض

بشهد الحب ترويني

وعارفة انتي

محال انساك

وصعب حبيبتي تنسيني .....

صعب حبيبتي تنسيني .....

بقلم

ضياء الإدريسي

فرحة

@@@
{{{{{ رسالتي يا ماما }}}}}
........... { فرحة } ..............
بكتب ليكي رسالتي الإولى
رغم ان انا مكسوفه خجولة
إني فارقتك
قولي سامحتك ياجمل{فرحه}
كل جنايني هتصبح طارحة
وهلبس طارحة...وهبقى عروسه
أنا ف الجنة
سر دعاكي وكنت أتمنى
تسرحي شعري برمش عنيك
تفرحي بيا ... وأفرح بيك
واكبر بين أهلي و جيراني
وازرع ورد ف كل زماني
كل أماني
حلمت انا بيها ... راح تلاقيها
ف جيب الشنطة
حتى الوردة ... دي غالية عليا
جاتني هديه ف عيد ميلادي
م الواد شادي
إبن جارتنا الست روقية
قبل ما اشوف الموت بعنيا ...راكب قطر
كنت بحس انه بيكتبلي ... اخر سطر
كنت بحس انه بيوعدني ... بأخر فجر
ناوي الغدر ... لفصلي دا كله
كنت بقوله ....... بلاش تتقدم
اصرخ والطم
وانا بتندم
إني مشيت اليوم مدرستي
حتى عروستي
داسها القطر
رغم ان انا كنت بخليها تصلي الفجر
إوعي تصدقي حد يقولك
{فرحة } دي ماتت
لسا ما متش
بس ما كنتش ... قادرة اتكلم
وانا بتألم
وانتي دموعك سيل على خدي
لسا بشوف صورتك ادامي
انتي وبابا وخالي وجدي
عمي وستي
ومصر بحالها بتبكي عليا
وانا فرحانه
لما سمعت الشيخ بيقولك
{فرحة} أمانه
وخدها صاحبها
عارفه يا ماما برغم جمالك
رغم الحب اللي ف احضانك
ربنا ارحم منك انتي
يالا حبيبتي ... يأجمل ماما
نوري شمعك ... امسحي دمعك
قولي لكل جيرانك ....{فرحة}
لابسه الطرحة
فوق ف الجنة
وبتتهنى
وبتتمنى ... النصر لمصر
.......... { فرحة } ...........
يا ماما فوق ف الجنة... عايشه ف قصر
@@@@@
رسالة فرحة
من شهداء قطار اسيوط
بقلم// ضياء الإدريسي

حلم الضعيف

{[ حلم الضعيف ]} والحلم راسم دمعته فوق الشفايف الف مرة قلت ليكم إني خايف _______ أبتسم القى المرار والحزن واقف يترسم ___والجرح نار لسا النهار __ حمله تقيل والقضاية مقفلة غاب الدليل لساني بشرب طفح كيل فايض عليه بعد السكوت دالحب لو جاب الوجع _____ لازم يموت خايف أعود __ م الغربة ملأش الكفن والقى المساجد اغلقت من أجل فن وهذا يقسم ظهر هذا وتلك تقسم ظهرهن خايف أحن ليقولوا ساكت والسكوت معناه رضا انا مش حسامح فجري لو حيقول كدا دانا من زمان برضع ف صمتي عالرصيف ____ ___ عامل كفيف لجل اما اشوف فيه الأمل معرفش ليه طعل العسل اصبح مرار معرفش ليه الفجر رافض ضوء نهار حتى الجدار مكتوب عليه احزر خطر حتى اما بيجينا المطر بنخاف هلاك بنبيع كتابنا ____ وصمتنا يبقى امتلاك جواك ملاك لكنه من طبع البشر ___ رافض يكون مين ابتلاك بالصمت __ يا وطني الحنون ليه تقبل الحلم احتمال ترسم دليلك ف الظنون اوعاك تكون نارك رماد اوعاك تكون زي الجماد___أبكم كفيف اوعاك تكون لساك ضعيف حلمك جبان اوعاك تقول حلقى الأمان وانت لسا جوه منك اللي بيحارب ف صمته واللي مش لاقي كرامته واللي كل احلامه انه يلقى فيك حتى الرغيف _____ ___حلم الضعيف ]]]] ضياء الإدريسي @