{ مفيش بعدك }

_____***_____

وعارفة انتي _جمال الليل

ف سحر عنيك

بيطرح ورد فوق خدك

بيسحرني جمال ردك

وبسأل نفسي __ مين بعدك

أحارب لجل ما اجيها .؟

وارمي الزهر ف اديها .؟

وازرع كل يوم فيها .؟

حنيني

وحبي

واشواقي .؟

مفيش بعدك ف أوراقي

ملاك تاني

دانا المرسوم ف أشعارك

بطل حلمك ومشوارك

يا عمر قبلته ورضيته

يا حلم 

رسمته وبنيته

عيونك نهر من جنة

ف إيدك رسمة الحنة

وانا العاشق

وبتمنى

اصاحب ليلك المشتاق لتلحيني

ولما ابعد __ تضميني

وتخديني

لنهر شفايفك الفياض

بشهد الحب ترويني

وعارفة انتي

محال انساك

وصعب حبيبتي تنسيني .....

صعب حبيبتي تنسيني .....

بقلم

ضياء الإدريسي

فرحة

@@@
{{{{{ رسالتي يا ماما }}}}}
........... { فرحة } ..............
بكتب ليكي رسالتي الإولى
رغم ان انا مكسوفه خجولة
إني فارقتك
قولي سامحتك ياجمل{فرحه}
كل جنايني هتصبح طارحة
وهلبس طارحة...وهبقى عروسه
أنا ف الجنة
سر دعاكي وكنت أتمنى
تسرحي شعري برمش عنيك
تفرحي بيا ... وأفرح بيك
واكبر بين أهلي و جيراني
وازرع ورد ف كل زماني
كل أماني
حلمت انا بيها ... راح تلاقيها
ف جيب الشنطة
حتى الوردة ... دي غالية عليا
جاتني هديه ف عيد ميلادي
م الواد شادي
إبن جارتنا الست روقية
قبل ما اشوف الموت بعنيا ...راكب قطر
كنت بحس انه بيكتبلي ... اخر سطر
كنت بحس انه بيوعدني ... بأخر فجر
ناوي الغدر ... لفصلي دا كله
كنت بقوله ....... بلاش تتقدم
اصرخ والطم
وانا بتندم
إني مشيت اليوم مدرستي
حتى عروستي
داسها القطر
رغم ان انا كنت بخليها تصلي الفجر
إوعي تصدقي حد يقولك
{فرحة } دي ماتت
لسا ما متش
بس ما كنتش ... قادرة اتكلم
وانا بتألم
وانتي دموعك سيل على خدي
لسا بشوف صورتك ادامي
انتي وبابا وخالي وجدي
عمي وستي
ومصر بحالها بتبكي عليا
وانا فرحانه
لما سمعت الشيخ بيقولك
{فرحة} أمانه
وخدها صاحبها
عارفه يا ماما برغم جمالك
رغم الحب اللي ف احضانك
ربنا ارحم منك انتي
يالا حبيبتي ... يأجمل ماما
نوري شمعك ... امسحي دمعك
قولي لكل جيرانك ....{فرحة}
لابسه الطرحة
فوق ف الجنة
وبتتهنى
وبتتمنى ... النصر لمصر
.......... { فرحة } ...........
يا ماما فوق ف الجنة... عايشه ف قصر
@@@@@
رسالة فرحة
من شهداء قطار اسيوط
بقلم// ضياء الإدريسي

حلم الضعيف

{[ حلم الضعيف ]} والحلم راسم دمعته فوق الشفايف الف مرة قلت ليكم إني خايف _______ أبتسم القى المرار والحزن واقف يترسم ___والجرح نار لسا النهار __ حمله تقيل والقضاية مقفلة غاب الدليل لساني بشرب طفح كيل فايض عليه بعد السكوت دالحب لو جاب الوجع _____ لازم يموت خايف أعود __ م الغربة ملأش الكفن والقى المساجد اغلقت من أجل فن وهذا يقسم ظهر هذا وتلك تقسم ظهرهن خايف أحن ليقولوا ساكت والسكوت معناه رضا انا مش حسامح فجري لو حيقول كدا دانا من زمان برضع ف صمتي عالرصيف ____ ___ عامل كفيف لجل اما اشوف فيه الأمل معرفش ليه طعل العسل اصبح مرار معرفش ليه الفجر رافض ضوء نهار حتى الجدار مكتوب عليه احزر خطر حتى اما بيجينا المطر بنخاف هلاك بنبيع كتابنا ____ وصمتنا يبقى امتلاك جواك ملاك لكنه من طبع البشر ___ رافض يكون مين ابتلاك بالصمت __ يا وطني الحنون ليه تقبل الحلم احتمال ترسم دليلك ف الظنون اوعاك تكون نارك رماد اوعاك تكون زي الجماد___أبكم كفيف اوعاك تكون لساك ضعيف حلمك جبان اوعاك تقول حلقى الأمان وانت لسا جوه منك اللي بيحارب ف صمته واللي مش لاقي كرامته واللي كل احلامه انه يلقى فيك حتى الرغيف _____ ___حلم الضعيف ]]]] ضياء الإدريسي @

سيدتي

...... وجمال المرأة يجعلني أتنفس ....... عذب الألحاااااان يأخذني........ بعيدآ عن دنيا لا فيها ،، إنس لا جان لا أجد الأه تناديني لا صمت الخوف يجالسني ف يثور القلب يقاضني ... ويكاد ........ يشق الأبدان ..... يتراقص بين زراعيها مثل العصفور السكران ... يتمايل ...... كغريق يبحث ..... عن أمل نحو الشطئان . فجمال المرأة يجعلني أتزوق ...... كأس الولهان ....... وجمالك أنتي سيدتي أنهارآ .... من فيض الرحمن.... ضياء ........

شهادة تقدير

متزعليش

---

)_____> متزعليش <_____(
________******________
زعلانة ليه .؟
لا حد مالك ارضنا
دا حتى مالك يرضنا
بيفيض علينا
وحقنا عمره ما ضاع
م الصعب يبقى ف عهدنا
ثورة جياع
دا مفيش صراع
ولا فيش شراع يوم اتحنى
علمك مازال فوق سطحنا
بيهدي الأمان
م الصعب تلقى ف وسطنا
إنسان جبان
ولا فيش كمان
ضرب الودع
ولا فيش إهانة لمجتمع
ولا فيش ضياع
فمتزعليش
ابنى اما قالك اسمعي
مكنش قصده تدمعي
متدمعيش
ولا تزعليش
قومي انهضي
ومتسمحيش لإبن الردي
يرفع سلاحه ويعتدي
على باب كنيستي ومسجدي
فمتسكتيش
ومتزعليش وردك طرح
وعنيا من كتر الفرح
بتبكي ، والقلب انشرح
والطير بيرقص ف الفضا
ومالهوووشي ريش
فمتزعليش
دا النهر جاري
والسحاب طارح مطر
ومفيش خطر
ومفيش بشر
ملهوش كرامة بتتسحل
علشان ضعيف
ومفيش رغيف
قصدي مفيش بينا كفيف
ولا فيه كرامة بتتمحي
ولا فيه إهانة لملتحي
يالا افرحي
دمك خفيف
شفته سارح ف الشوارع
زي سيل بعد المطر
شفته مؤمن بالقدر
شفت دمك
بعد ما الوزن انكسر
زعلانة ليه .؟
دمك أخف من الحجر
فمتزعليش
قابل اعيش
من غير ثمن
قابل اكون
العوبة ليك طول الزمن
انتي الوطن
وانا شئ رخيص !!!
فمتزعليش
عارفة الضرير .؟
بيشوف وعينه مفتحة زي الغزال
ومفيش سياسي إمعة
يكتب مقال
ولا فيش قتال
ولا فيش ملايكة بتتحرق
علشان نضال
هضرب مثال
ولاااا بلاش . ياما انضرب
مين اللي قال
ان الجدال
فيرس وصاب كل العرب .؟
دا العيشة عال
والشمس مش ناوية الهرب
فمتزعليش
دا لا فيه خراب
ولا ضرب نار
ولا فيه شعار ، اسمه السكوت
دا الخير بيرمح ف البيوت
على كيف هواك
والعلم لابس توب تابوت
مدفون معاك
والضحكة صعب ف يوم تموت
علشان سماك
فيها الأمل
وكتبنا ثورة بدون بنود
ونسينا ايه معنى العمل
دا الحلم لما هيكتمل
راح ابوس ايديك
وهقولها ليك
زعلانة ليه .؟
من قطر داس فوق الولاد !!!
من حلم واقف فيك ثبات !!!
من هتك اعراض البنات
جوه الميدان !!!
من ابن دان !!!
من صوت أذان
مفهوش فلاح !!!
من فعل ثائر استباح
حرمة وطن !!!
من صوت شهيد يوم اندفن
قال نفسي اعيش !!!
دا الكل فينا لك فداك
{{{ فمتزعليش }}}
بقلم
ضياء الإدريسي