صفحتي الخاصة عالفيس بوك ،،،،، ضاء الادريسي

1. صفحتي ،،،،،،،،،،،،،، ضاء الادريسي
2.  
3.  
4. http://www.facebook.com/diaa571
5.  



شعراء الوطن العربي ،،،،،، ضياء الادريسي

صفحتي علي الفيس بوك ،،،،،،،،،،،   شغراء الوطن العربي

http://www.facebook.com/pages/%D8%B4%D8%B9%D8%B1%D8%A7%D8%A1-%D8%A7%D9%84%D9%88%D8%B7%D9%86-%D8%A7%D9%84%D8%B9%D8%B1%D8%A8%D9%8A-%D8%B6%D9%8A%D8%A7%D8%A1-%D8%A7%D9%84%D8%A7%D8%AF%D8%B1%D9%8A%D8%B3%D9%8A/261309850552140

اسمح لها

تجري ف وريدك

تفرح ف عيدك

تملك رصيدك

(من حبها)

.؛؛؛؛؛؛.

ابني جدارك

افلح ف كارك

احسن لجارك

(واحسن لها)

٠٠٠٠

قربها منك

اهديها فنك

اقسم بإنك

(طين أرضها)

٠٠٠٠

كن ابن بار

رافض دمار

طالب عمار

(والخير لها)

٠٠٠٠

ابكي بدموعها

اسكن ضلوعها

نور شموعها

(افرح بها)

٠٠٠٠٠

رافض خاربها

ولو حابييبها

عدي قاربها

(عدي بها)

٠٠٠٠

من فتنة نار

تهدم جدار

كن ابن بار

(انهض بها)

٠٠٠٠

إرضي بألمها

إحفظ كلامها

إرفع علمها

(وشأنها)

٠٠٠٠

علم صغيرك

الخير بإيدك

ويبقي عيدك

(يوم نصرها)

٠٠٠٠

هي الأميرة

قيمة كبيرة

مصر المنيرة

(مين قدها)

٠٠٠٠

إيدك ف إيدها

دمعك ف عينها

يارب عينها

(إدعو لها)

٠٠٠٠

يارب عيينها

إدعو لها

٠٠٠٠

لازم يموت

لازم يموت مبقتش قادر عالسكوت حبنا لازم يموت قلت ليك بمشاعري باقي وقلبي باقي واللي باقي اشتياقي اشتياقي كمان يموت كنت حاسس ان حبك مكنش ليا كان تمثلية وغباء عنيا لسا بردو بيعشقوك وبيسألوك كل يوم بتحبنا تضحك لنا الطيبة اصل ف قلبنا بيصدقوك كنت همي وحضن امي اللي ياما اشتقت ليه كنت دنيا وكل ثانية اشتاق اليك معرفش ليه كان حبك انت كل حاجة ف دنيتي وعشان بحبك اقسمت انه جنتي واكتب حروفك علي كل باب وكل سور ف كتاب دراستي وف كراستي حتي علي جناح الطيور نقشت حرفي جنب حرفك ع الصخور وأطير مع الطير اللي طاير وكتبت ليك كل الرسايل انام علي حبك واصحي علي اسمك وعشان قلبي حبك الدنيا عندي صفحة وانت مليون كتاب لاكن بكل اسف مش قادر عالعذاب مبقتش قادر عالسكوت حبنا لازم يموت

1،،على الماشي

فراق الأ حبة مرار

ياقلبي ( لا تفارق )

اكتب كلام واشعار

اختارهم (ولا تفارق)

دا اللي بيسكن دار

ويلاقي حسن الجار

مهما الزمن دار

يرجع ( ولا يفارق)

فراق الاحبة مرار

ياقلبي (لا تفارق)

حب ماضي

حب ماضي
وانا لسه باقي ، وقلبي شادي
اشفي دائي ، وقلت عادي
كل يوم شايف صورتها ،
حتي صوتها ، وكل ماضي
انسي نفسي ، وانسي روحي
اصل روحي مشتقالها ، فين مثالها ، من جمالها ، صوتها نادي ،
لسه نادي ، والسنة دي
الجراح زادت الاااام
والسلام اصبح حرام
إختلف عهدي وميعادي
قلت راضي وارتكز علي الذكريات
قلبي قالي حب مات
ليه تبات ، زي وردة في قلب وادي
كله شوك ، هيشفوك ، يسمعوك‎ ‎‎، ‏
بس باردو حب ماضي
تبقي راضي او تعادي
حتي لو ترفض حياتك
هو اصبح حب ماضي

_________________

كلمة بحبك

هي دي كلمة بحبك
***
عتاب ، جواب
عتاب
يعني ابعتلك سلامي
والجواب يبقي الااااامي
قلب سايب ، الحبايب
نورها غايب ، ف الظلام
هي دي كلمة بحبك ،!
ولا دا يبقي الغرام ،!

يعني استحمل مصايبك
وانت بتذود حبايبك
هو مين ، يشتاق لمين
قلبك كمين ، مليان زحام
هي دي كلمة بحبك ،!
ولا دا يبقي الغرام ،!

يعني اعيش احلم ببكرة
وانت تقتل كل ذكرة
لقلب باقي و اشتياقي
كان جزائي ، حب سام
هي دي كلمة بحبك ،!
ولا دا يبقي الغرام ،!

يعني افرح اما اشوفك
وانت تقتلني بظروفك
كدب خايل ، والرسايل
شخص هايل ، حب كام
هي دي كلمة بحبك ،!
ولا دا يبقي الغرام ،!

يعني اهدي ورد عيدك
وانت تجرحني بأيدك
قلبي قادر ، يوم يغادر
حب وافر ، بالألام
هي دي كلمة بحبك ،!
ولا دا يبقي الغرام ،!
*****
جواب
هي دي كلمة بحبك
*****
يعني عهد وفيه سلام
دقة من قلب الغرام
يعني ادي ، اللي عندي
حتي وردي ، مقولش كام
هي دي كلمة بحبك
هو ده يبقي الغرام

يعني اكونلك الف واحد
اب ام وشخص واحد
اخ خايف ، قلب شايف
والشفايف ، والكلام
هي دي كلمة بحبك
هو ده يبقي الغرام

يعني احيا اما اشوفك
يعني خوفي هو خوفك
ابقي همك ، حضن امك
لو يضمك ، راح تنام
هي دي كلمة بحبك
هو ده يبقي الغرام

يعني افرح اما تفرح
قلب سامح لو بتجرح
قلب وافي ، حضن دافي
شهد شافي ، م الإلام
هي دي كلمة بحبك
هو ده يبقي الغرام

يعني مالي يبقي مالك
كل يوم ارسم جمالك
يوم منايا ، لو معايا
نور سمايا ، ليل غرام
هي دي كلمة بحبك
هو ده يبقي الغرام

هي دي كلمة بحبك
هو ده اجمل كلام

_________________

عاطل

عندكشي شغلانه
عاطل وما لاقي
مراتي شغلاانا
تضرب وانا لاقي

زهقان وطافح كوته
كلامها كيف الدبش
انافق واقول بسكوته
صوتها لا لاان ولا دابش

عايش كما نوم غفير
للنوم عيونه مفارق
لشعري بتفتي بتكفير
القي ف طريقي المفارق

ف ليلي القى كامسطول
لانش ولاهش فيها
الفف عرض واقيس طول
ولا غير جنيهي شافيها

اضحك وابارك جمالها
والمدح كيف النفاق
دلوقتي بارك جملها
يا حزن قلبي اما فاق

ليلة سودة اما تجيني
تطلب لا ترفق بحالي
عجان وخرب عاجيني
كيف سور للضوء محالي

وان كنت بجري ف وريدها
وقت اما تغضب ما هيا
ابعت سكوتي ف بريدها
تبعتلي فين الماهية

وانا ربي يعلم هواها
عامل ف قلبي عمايل
حرمني اعشق سواها
كيف ليا انسي الجمايل

عشرة ما قلبي ناكرها
ياما سلامها وصلني
ما اقطعها لو هي كارها
كيف اقطع اللي وصلني

بس تيجي


حداد

دم ، كفن ، حداد


الظلم رافض فجر عيد
م الحزن شاب شعر الوليد
كل يوم اصبح حداد
واللون سواد
علي كل صورة ف قلب بيت
صورة شهيد
الأم تنجب والتراب يحضن ولادها ،
مات ولدها
والخبر رافض وصول
عاجز خجول
هارب بعيد وف بورسعيد
بلد سعيد والحزن عم كل دار
الفتنة نار ، والشعار إهدم كيان
نزع التيجان ، اقوي من حرب العدو بالدبابات
، الصبر مات
قبر السادات ، بيستغيث بابن البلد
إبني البلد ،
صوت الشهيد بيستغيث بابن البلد
إبني البلد
كل لحظة تمر مر
الغاز وغاز بنزين وجاز
فر كر ف محيط وزارة
عذب نيل أصبح مرارة
دمعة من حضن ابتسامة
سناريوا أشبه بالدرامه
والصرامة ،،، غايبة من امن البلد
اربعة وسبعين ولد ،،،
جهل في حب الوطن
سهل ف زرع الفتن
اخ يقبل الثمن ، يقتل اخوه
هو دا أخر زمن
اخ يقبل الثمن ، يقتل اخوه
اخ يقبل الثمن ، يقتل اخوه٠



فصيل دمك

فصيل دمك أنا منك أنا ليكي أنا إبنك أنا بيكي أكون أسعد ولا أذهد من الضحكة اللي ف عنيكي من الكلمة بنرضيكي ونهديكي الاااااف ماتت فدا أرضك حمي عرضك ولا وحدك راحَ اسيبك أنا غضبك أنا طيبك أنا زرعك أنا طينك أنا اسمي فدا إسمك أنا لحنك أنا رسمك أنا أسف لطول صمتي أهي قامتي ، وبرفعها وادي فرحة وبدفعها وبدفنها في قبر ف أرضك الطاهرة دموع قلب عيونك الساهرة أيا قاهرة ، ومقهورة من اولادك فدا كورة تغور دورة ومية دورة ولوصورة ، مضاد ثورة ماهو اعدائك من ابنائك فتيل فتنة ومعلونة قلوب قاسية وملعونة ومطبوعة بران قسوة ونون نسوه ومخفية ومنسية عن الساحة بتقتل فينا بأدينا وأمن بشوكة مكسورة ومحظورة كما الخايف ولا أعمي لكن شايف كما الشايف ومش شايف ونفس الصورة تجمعنا بلا معني وتبلعنا شقوق فتنة جدار بيتنا بيتمايل ، دموع قلبي مطر سايل وأنا شايفك بتتمايلي ، بتتحايلي علي ولادك ولا لذاتِك ف يوم أنكر ولا فراقك ف يوم اقدر أنا عاشق تراب أرضك ولا عاصي قانون فرضك أنا وردك وريحانك ولا إبني ف يوم خانك ولا شانك وعَشانك أكون قطرة ف نيل أرضك ، أكون جندي حمى لعرضك ويوم بردك أكون حضنك حنين دافي أكون شهدك كما الشافي أكون واااااافي أكون صافي كما يمك أشيل همك منا أصلي فصيل دمك انا إبنك فصيل دمك الإبن البار ضياء الإدريسي

جناين ورد

جناين ورد
ولساها السنين طارحة
جناين ورد عالشفة
شايفها لسه ف اللفة
بتضحكلي وأتخفى
وأدْفى
بفرحة ساكنة ف عيونها
ودمعة ف قلبي اخفيها
وأتخفى
وأملى بالعسل كاسي
وابيع همي اللي كان كاسي
وانسج خيطها بأديا
وتكبر كل يوم فيا
وافك الطبقة والتنية
وتيجي الفرحة الثانية
بنورها لسه ف اللفة
وتضحك ليا أتخفى
بداعبها
والاعبها
وتعملها وتضحكلي
ولساهم علي كتافي بيبتسموا
ويترسموا
حروف الحب جوايا
وتضحكلي سنين الفرح جياني
بتتمايل علي الأغصان
وبتنور دروب ظلمة
ودنيا بحالها ما تساوي
نظرة جميلة من نورهان
ولا بسمة عيون فاطمة
ولساها السنين طارحة
جناين ورد عالشفة

************

حضور نورهان الادريسي
الي دنيتي
17\3\2012

من صغري

من صغري ياناس طافح الكوتة

وبموت ف اليوم سبعين موتة

الفقر   الداء    والمال   غية

باكل اللي ف نفسي وعالنوتة

           من صغري يا ناس وانا متحير          

أشرب م الكاس طعمه اتغير

لا سياسي بقيت من يوم قالوا

إمشي ابعد ياد لسه صغير

من صغري يا ناس وانا متخيل

إني أكبر علي كلمة عيل

إن قلت أنا اعرف او أقدر

يقولولي ماتسكت تتنيل

من صغري ياناس والكيل طافح

وانا حلمي كبير ف الخير طامح

فلاح والترعة بترويني

علي كتفي الفاس بشقي واكافح

من صغري ياناس وانا ف الغربة

مشتاق للحمة وللشربة

والدنيا ف عيني بقالها زمان

ولا تسوى اللمة مع الصحبة

من صغري ياناس وانا متعلم

إن الأهرام راح تتكلم

وهتسمع الدنيا كلامها

إرحل إفهم مش هنسلم

من صغري ياناس وانا حلمي كبير

اكبر م الكرسي و م الدساتير

نفسي اعمل مشروع يجمعنا

على كلمة حب وفعل الخير

من صغري ياناس عايش راضي

ف الخير سباق ديمآ بادي

والحب ف قلبي لكل الناس

والدنيا بحالها الا حماتي

من صغري ياناس راضي بحالي

ولا   يفرق   جه  أو   راح   مالي

البسمة  ف   عين  الناس  نعمة

والشعر  ده  ذادي   وراسمالي

من صغري ياناس عايش محبوب

احصد ف ثمار ازرع ف حبوب

وتاريخي علمني ف بلدي

ولا عمري ف ليلة أبات مغلوب

من صغري ياناس عايش ف أمان

ولا حزبي اكون ولا نور واخوان

ولا عمري لحزب سياسي أميل

أنا سلفي بفطرة وعندي ايمان

العهد الجديد



الشاعر ضياء الادريسي كتب:

لو صحيح بتحبها افتح كتاب عهده جديد ،غرقه ف دم الشهيد وإكتب سلامي للوطن ، امحي الفتن ، نعلن بيان ننسي اللي خان ، نرفع اذان ، كل مكان ، يسمعه نسمعه ، لصم الأذان ، والي استهان ، بشعبنا نرفع ايدينا لربنا يارب لو ف الدنيا جنه الجنة تبقي ف أرضنا ، من هنا عدي المراكب واللي راكب نزله واللي فاكر السلطة تورته اوعاك ف يوم تأكله توكله علي ناس عشاها كله نوم ،كل يوم متصبحين علي سفرة واحدة تلمنا وحضن ام يضمنا شالت الرصاص من صدرها رفضت شبابها وبكرها ولأجل ما انت تبقي حر دفنت شهيدها ف بطنها لو صحيح بنحبها من هنا عدي بينا السفينه محملة. متحملة بأهات عهات من عهد فات والذكريات مؤلمة متلغمة بأهات شعوب ، وإحنا يادوب ، بكر الفرح ، بكرة الفرح الصبر واجب علي البشر، وفرض عين ع اللي انجرح ليه الصريخ التاريخ مش يعترف غير بالشرف ف الإنتخاب وف كل باب نفتحه نفتحو نفوقو بقا كفايه زور الظهور متشققا تعبت شقا والعنين مترشقا علي حلم فوق سطح القمر زي القمر ف ليل الظلام ، ليلة غمام تعمي البصر ، شوف القدر لحظة سحر ، ام بتدعي ربها يحمي ولادها م الفتن ، من الزمن وعقارب الساعة والمجاعة والغضب والحطب اللي بيحرق ارضها وعمي البصر وقت القدر ، واللي انكسر هنصلحه لو صحيح بنحبها ، لو بالشقا نشقا عادي ف أرضنا ، تطلع عنين اهلنا اقسمت عليك ياوطن اوعاك ترخصنا ، رخصنا بس لخدمتك لبسنا بس هدمتك ، سمعنا بس كلمتك ،كلمتك نحفظها نحفظها لإولاد صغار ، خافو الجدار يتهدم خافو الكيان يتقسم ، يتحسم ومين يفوز ف الإنتخاب الأحزاب ، والشباب، كله منا وكله لينا والسفينة محملة بالمسلمين ملتحين ، ومنقبات والأقباط مننا، من هنا، الدم فيهم دمنا ، وحضن ام يضمنا اسمع بنا ، هي دي مصر العظيمة ، التاريخ ليها اتبني امن وامان طول الزمان يشهد كتاب ربنا يشهد علينا الرسول ان احنا اصل ف الكرم فيها المبادئ والقيم والعلم نابع منها اسأل سماها وأرضها اسأل كتابها وعهدها اسأل تاريخها ومجدها لو تموت كل الشعوب محال تموت بلد الأزهر حضنه ف حضنها والنيل بيجري ف ارضها ضخ الدم ف قلبها لو صحيح بتحبها



الابن البار بقلم الادريسي

هو ده يبقي ابنها
،@@@@@@@

اللي يحمي عرضها

حبه يشرح قلبها

اللي يبكي ، اما تبكي

دمعه يبقي منها

هو ده يبقي ابنها
اللي يمضي للأمام

حط ايده عالألام

ضخ دمه ، ف قلب امه

كل همه ، همها

هو ده يبقي ابنها
اللي يرفض المقابل

يروي ورد جف دابل

يرضي بيها ، ينجى بيها

يدي ليها ، حقها

هو ده يبقي ابنها
اللي يعلن ف البيان

انها ضي الزمان

صورة حية ، بكر هية

بكرة جية ، بصبرها

هو ده يبقي ابنها
اللي يوفي بالعهود
جندي واقف عالحدود
عاش حاميها ؛ حبه ليها
يدعو ليها ، ربها
هو ده يبقي ابنها
اللي حافظ الجميل
قال لها شكرآ جزيل
يبني دارها ، طاع قرارها
ضاء قمرها ، وشمسها
هو ده يبقي ابنها

اللي شاف بارك جملها
قومه وبارك جمالها
قال دي زينه ، نور عنينا
مصر لينا ، احنا لها
هو ده يبقي ابنها