السبت، 7 مايو 2016
انا اقوى منك يا قمر
مكتوب عليا اشوف عنيك
تعبانه من كثر السهر
أخر رساله مني ليك
" أنا أقوى منك يا قمر "
قلبي خلاص اصبح حجر
نسياني ليك أجمل قدر
كرهتني ف كل البشر
فكرتني لعبة ف اديك
انا اقوى منك والدليل
باين عليك
شايف عنيك
تعبانه من كثر السهر
أنا أقوى منك والسنين
تشهد بإني كرهتها
" سيرتك "
وصورتك
حبي ليك
قصه بإيدي دفنتها
ورقة غرامك ف الرماد
بدموع عنيا حرقتها
ولا جاي ونادم
ع اللى فات
بين السنين الحب مات
غيره وعذاب شك وشتات
البعد طال
فات الميعاد
اوعاك تطالب بالسماح
قلبي خلاص اصبح حجر
مكتوب عليا أشوف عنيك
دبلانه من كثر السهر
ولا فارقه عندي انت مين
أو إنت ايه
او حتى فين
ولا قلبي خايف م السنين
شايف دموعك ع الخدود
جرحت ورود
دبلانه دابت م السهر
وانا عيني عادي بتبتسم
مع ان قلبي بيتكسر
وبشد حيلي بالمرار
علشان اعيش بعدك سعيد
مش فارقه مين طالب عمار
ولا فارقه مين هيعيش وحيد
لو كان عذاب بعدك امان
ابعد كمان ابعد بعيد
قلبي خلاص اصبح حجر
انا اقوى منك والدليل
باين عليك
شايف عنيك
تعبانه من كثر السهر
الجمعة، 11 سبتمبر 2015
مجلة بلقيس العرب: حال الدنيا كده للشاعر ضياء الادريسي
مجلة بلقيس العرب: حال الدنيا كده للشاعر ضياء الادريسي: اللي عملت حسابه اسف انا مش راجع تاني مش ح اتحمل قلب أناني يوم يجرحني ويوم ينساني وانا من خوفي بحن اليه كنت بخاف من...
الخميس، 10 سبتمبر 2015
الاثنين، 17 أغسطس 2015
للرجال فقط
احترم نفسك معاها
ارتدي ثوب الأمان
ارسم الدنيا بهواها
ارسم الدنيا بهواها
تسعدك طول الزمان
قول لها انتي " الأميره "
انتي أيامي الجميله
بكرا تظهر لو أصيله
كل حاجه وبأوان
ارمي نفسك بين ضلوعها
إقتل الخوف الكئيب
واحزر انك تبقى طوعها
فى العقيدة الأمر عيب
اشرب الشهد بمشاعرك
من شفايفها الجمال
واحمي نفسك بين حيائك
ارتدي ثوب الرجال
هيا زوجتك وانت ابوها
عمها خالها وأخوها
حقها تلعب ف شاربك
هيا زوجتك ف الحلال
احترمها لما تزعل
حن ليها قوم راضيها
ارسم البسمه ف عنيها
جاوب انت ع السؤال
احفظ النعمه ف اديها
اقطف #الياسمينه ليها
خاف عليها من عنيها
اكسر الضلع الشمال
إدبح القطه _ وصاحبها
م انت ابو ولادها وحبيبها
لو صحيح فعلا " حبيبها "
الفراق بينكم محال
لو شريفه
لو نظيفه
لو عفيفه خدها جنبك
قول لها
" مليااااار بحبك "
هات اديها لنبض قلبك
شوف صورتها بين رموشك
وبعنيها المجروحين
احترم نفسك معاها
واحترم صبر السنين
هيا زوجتك وانت زوجها
هيا دنيا وانت دين
هيا جمع وطرح ضرب
وانت قسمه والنصيب
ارمي نفسك بين ضلوعها
إقتل الخوف الكئيب
واحترم نفسك معاها #للرجال_فقط #ضياء_الادريسي
قول لها انتي " الأميره "
انتي أيامي الجميله
بكرا تظهر لو أصيله
كل حاجه وبأوان
ارمي نفسك بين ضلوعها
إقتل الخوف الكئيب
واحزر انك تبقى طوعها
فى العقيدة الأمر عيب
اشرب الشهد بمشاعرك
من شفايفها الجمال
واحمي نفسك بين حيائك
ارتدي ثوب الرجال
هيا زوجتك وانت ابوها
عمها خالها وأخوها
حقها تلعب ف شاربك
هيا زوجتك ف الحلال
احترمها لما تزعل
حن ليها قوم راضيها
ارسم البسمه ف عنيها
جاوب انت ع السؤال
احفظ النعمه ف اديها
اقطف #الياسمينه ليها
خاف عليها من عنيها
اكسر الضلع الشمال
إدبح القطه _ وصاحبها
م انت ابو ولادها وحبيبها
لو صحيح فعلا " حبيبها "
الفراق بينكم محال
لو شريفه
لو نظيفه
لو عفيفه خدها جنبك
قول لها
" مليااااار بحبك "
هات اديها لنبض قلبك
شوف صورتها بين رموشك
وبعنيها المجروحين
احترم نفسك معاها
واحترم صبر السنين
هيا زوجتك وانت زوجها
هيا دنيا وانت دين
هيا جمع وطرح ضرب
وانت قسمه والنصيب
ارمي نفسك بين ضلوعها
إقتل الخوف الكئيب
واحترم نفسك معاها #للرجال_فقط #ضياء_الادريسي
الثلاثاء، 14 أبريل 2015
مصر في نعيم
#مصر_ف_نعيم
عايش على امل انى اشوف مصر ف نعيم
بقرأ تاريخها القديم
شايف حداد
رغم انتصارها ع الجميع
شايف ربيع
أخضر
يجف من الخريف
الحرب قامت بين شتا
بين فصل صيف
أحزاب كتير
اسلوب ضعيف
السعي أصبح ع الرغيف
الحب جيف
والخوف شريف
والعيشه نار
والنور كفيف
اخوان شيطان
وكتاب رخيص
العلم مات اعدام فطيس
والجهل عاش
لكن مافيش شئ مستحيل
مليون دليل
لساني بحلم بالحياه وسط الحواري والسنين
ماتت أماني بين عنيا الشقيانين
بكتب أغاني للوطن
لكن كتير بتكون دموع
الصبر من عرق الجبين
بحلم أشوف مصر فى نعيم
#ضياء_الادريسي
الاثنين، 6 أبريل 2015
انسب لنفسك فكرتك
إنسب لنفسك فكرتك
إوعـــاك تخـــــاف لو تنـهزم
طـول الطريـق صعـب وخطر
لكن مافيش شئ مستحيل
إبحث فـــ نفسك عن جميل
هتلاقي ميــت مليـون دليـل
انك بتملك حجتك
إحزر تغيـــر ذمتك
ربك هينصر فكرتك
لـو فـكـره خـيـــــر
خلـيـك جميـل واحلم جميــل
تـزرع جميــل تـحـصـد جميـل
صبرك جمــيـــــل
ايــه الـبـديـل للصبر غيــــــر
رد الجمــــــــيل
ربك كبـيـر والحمـد لـيـه
خلق العقول علشــــان تقول
الحق فين والصح ايه
شرع الأنام أكبر حرام
حرم حلال حل الحرام
حرم علينــــــــا الكلام
والصـح فـيــه
اوعاك تناطح ف السحاب
وانت ف رصاص زي المطر
اوعاك تكـون فكــرة خـراب
هتشوف عذاب هم وخطر
إحزر يكـون عـنـدك غـــرور
أو كـبـريــــاء
خليك عفيف
أهل الكـرم أهل الذكــــاء
السيف محال ينصر غبــاء
حتى من غضب النســـاء
ليـن الكـلام زيــ الــــــدوا
يشفي اللام المجروحين
والسيف بسيف والعين بعين
مين المديــن والديـن لمين !
خلـيـك اميــن
حـر و متـيـــن
ربـك مـعـيـــن
بـس اسـتـعـيــن بـيـه
انـت مـيـــن
غير عبد ليه
ربك رحيـم أهل الكرم
إنسب لنفسك فكرتك
إحـزر لصـوتـك يـتـكتم
في انتظارك
حتى لما قولت ليكي
إني خايف موت عليكي
كان ساعتها الخوف أمانه
كنت خايف تكسريني
ياللى فيكي
قلبي داب
كنت خايف من عذاب
بعدك ، وخوفي كان سراب
كنت بخدع نفسي بيكي
كنت خايف موت عليكي
وبإديكي _ تجرحيني !
إمنحيني الفرصه تاني
أرسمك حب وأماني
وانتي سيبك من قساوتك
من غرورك
ع اللى منك
إحسني فعلك وظنك
واسمعيني
لما اقولك
كل حاجه بعد منك
زي حاجه بتنتهي
الورود دبلانه ديمآ
شمعه شمعه بتنطفي
النيران مشعوله فينا
إيد أمينه بتختفي
بعد منك روحي اصلا رايحه مني
أيوا تايه بس هصبر غصب عني
الحقيقه ف نور عنيكي
أيوا خايف موت عليكي
تكسريني
مش هسامحك ف الإهانه
لو حاولتي تخدعيني
إبني بيتك فيا تاني
أو أسيبك _ وتسيبيني
إنسبيني
ليكي روحك
هتلاقيني نور بيطفي نار جروحك
يا حبيبة قلبي عودي
واثبتيلي
اني شوقك أو قوليلي
ان لسه الحب باقي
يا جنوني واشتياقي
إرجعيلي
قلبي فاتح بابه ليكي
لسه خايف موت عليكي
إرجعي بورده ف إديكي
ياللى فيكي
سحر أجمل " إبتسامه "
ايه السبب
وماتفهميش
ازاي وليه باع اللى كان
باع الأماني والأمان
وماتعرفيش
إيه السبب
الدرس واضح بس فاضح
فيه حاجات قلة أدب
زي السكوت
والموت مباح
باع الكرامه
لما خاف صوت النباح
وماتسأليش
عن حد باع
ومافيش حلول غير الوداع
سيف الخداع
غدار بيلوي الدراع
يكسر غرور قلب الأسد
الصبر طيب
والأمل
فى الله
يا أنثى بميت رجل
هاتي ف إديك ورد الربيع
إحساس فظيع
الحب مات
ما تصدقيش
الحب عايش بين قلوب الطيبين بس الحياه هم وكبد
خايف " عليكي " م الحسد
يام العيون السكره
لو حتى عندك ميت ولد
لساكي برضو صغيره
من #خايف_عليك
يا رميها ف نارها و تعذيبها
يا تخدها ف حضنك يا تسيبها
يا تحس بأنك نور عينها
و تقرب اوى جدآ منها
يا تفارق نهر الحنيه
وتقابل ف الدنيا اسيه
وتخاف م دنيا بترمينا
على شط الصحبه
بتحمينا
بتزيد الحيره
وضلينا
محتاجه تقولك فين حقي
فين عدلك ف الحكم عليا
تأمرني أعيشها
لوحديا
وتعيشها فى مسخره ليليه
محتاجه تقولك محتاجه
لحنانك
فين انت
مكانك !
فينك يا ناسيها ف تعذيبها ؟
يا تقرب أكتر يا تسيبها !
بتقرب منك وبتبعد
بتصالح امك وبتعند
إزاي قلبك قاسي عليها
كل امالها ف ضلك تقعد
بنت الناس
فيها السحر ف نظرة عين
وانت بترقص ع الجانبين
هيا بتسهر تحلم بيك
وانت بتعشق غيرها اتنين
بس وإكتم اسكت خالص
اوعاك تنطق إقطع صوتك
ادفع ثمن الشك خيانه
واللطم يا بني على الخدين
#ضياء_الادريسي
من بتخافي ليه 2
ادام عنيكي الدنيا صعبه وكل شئ غالي الثمن
مدي اديكي بالرضا نتحدا صناع الفتن
وهمد ايدي بالعمل
لسه مازال فيكي الأمل
لو كل شئ طيب رحل
هيعود ولو طال الزمن
بتخافي ليه
والخوف حرام !!!
الهجر جايز
الا في شرع الغرام
محتاجه ايه طلبك مجاب
قبل السؤال مليون جواب
الفرقه نار والخوف خراب
الحق فين
الظن خاب
الصبر خير لكن عذاااب
مدي إديكي
والعتااااااب
جايز يا عمري
إلا في شرع النظام
بتخافي ليه والخوف حرام !
مدي اديكي بالرضا وهمد ايدي
بالعمل
أدام عنيكي الدنيا صعبه بس لسه
في أمل
من #بتخافي_ليه
بدايه ونهايه
الورد اللى طارح مابين النخيل
وشجرة قوامك وسحرك جميل
بدايه ونهايه لراحه وعذاب
جناين وطارحه دواء العليل
نهاية غرامك محال المحال
بحبك وهفضل يا بنت الحلال
يا كل الأماني يا حل السؤال
مافيش الصراحه لحبك بديل
يا ورده وطارحه وطرحك جمال
حبيبك بأرضك وعابر سبيل
حنانك وسحرك يا بدر البدور
يا نسمه بتشفي آهات العليل
الاثنين، 23 مارس 2015
رسالة عتاب
خـلـيـك فــ وسـط الـمـشكلـه
مـخـرج امـان
خليــك كمـان
نـاصح وقـد الإسـئلـه
تقدر تسيطر ع الحدث
ارمي السلام
وقـت الخصـام
رغـم الغضـب خليـك ثقيـل
ثـابت وراسـخ وابـتسم
لو دمـع عيـنك كان مطر
خـلـيـك ذكـر
صاحب ضمير
خلـيـك كـبـيـر
واقرأ عيـون كل البشـر
بعـد الخـطأ قـوم اعـتذر
هتعيش فــ أعلى منزله
لو شوفت حرمه بتنتهك
خليـك فــ وسـط المشـكلـه
وضـح كـلامـك وبـدلـيـل
خليك جميل وقت الغضب
استغفر الذنب بدعـــــــاء
خليـك قضـاء
زي الـقـدر
انـزل علـى جـرح العليـل
بلـسم جميـل
اتـكلـم الـكلـمه بمـيـزان
خليـك كمـان
حصـن الأمان
إعـزف كمان وسط المكـان
انـطق وقـول الحـق بـــــان
بـعـض الـكلام زي الرصاص
وهـنـاك كلام تحـت الحزام
البغـل نام و الحر قام
وقـت الـشروق
يحـمي الرغيف
علشـان يعيـش حـر وشريـف
وسـط الـديـــابـه والـبـشـر
ميـن ادكـر
العمر هـان
خليـك شديـد مـالي المكـان
خليـك أذان حـب وســـــلام
وقـت الخـطـر
خليـك فــ قلــب المشـــــكله
واصـنع حلـول للأســئله
#ضياء_الادريسي
#رسالة_عتاب
الثلاثاء، 17 مارس 2015
رسالة الارض
هيا الكرامه بتتزرع على ارض ركعت للبشر !
ولا الأمانه بتنتهي اصبحنا اقسى م الحجر
الدم نار هم وضياع
ضد القانون لوي الدراع
سيف الخيانه والخداع
مكتوب عليه احزر خطر
الحرمه بتخلف ذكر
اما السنين هيا الحلول للمشكله
والمسأله مين ادكر ؟
مين افتكر .
الود لو ضاع اتقطع
الحب هيموت انتحار
والذنب بيخلف وجع
والكذب ذنب هم نار
انت وضميرك في الهلاك
لو مات معاك حق البشر
والظلم اخره انتهاك
عرض القانون زي القدر
ولا حد أقوى م اللى مات
والخوف { كيان } اكبر خطر
بيت عنكبوت
حتى الديابه
والقرود بتخاف ساعات وقت الحظر
الدم أغلى من بيوت
بتساوي روسنا ببعضها
والحق مش ممكن يموت
والحب فرض ف ارضها
بارك سلامي بالأدب
واربط لسانك ف الغضب
انصر دليلك بالكتب
سلمها يا بني لربها
بس افتكر
الحق واضح وبدليل انك ذكي
اصحاب مصالح
قولت ناقه : ابركي
بركت على شط الخداع
ضد القانون لوي الدراع
الظلم نار هم ونزاع
لساك يا جارة بتشنكي
بين الجيران
الخوف ضياع
والصاع بصاع
والذنب ايه !
مين الل خان
مين اللى باع
الكره نار
نشعلها ليه
بين الولاد ؟
نزرع ورود حب ووداد
ليه بينا ليه الحب مات
نفس الميعاد
وجهة نظر
هيا الكرام بتتزرع على ارض ركعت للبشر !!!
الجمعة، 20 فبراير 2015
جنة ربيعك
برغم البدايه بحس الوصول
لجنة حنانك يا بنت الأصول
يا حاجه بتسحر
يا أجمل غرام
بحبك
وشايفك
جميع الحلول
لصوتي اللى عاشق
يا لحن الكمان
لقلبي اللى دايب
ولازم أقول
بحبك وح فضل لأخر الزمان
برغم البدايه بحس الوصول
لقلبك وعينك يا بنت الأصول
ورغم اني شايفك
وصورتي ف عنيك
بحسك فى روحي وخايف عليك
يا لحني وكلامي
يا نور الشموع
وبحلم ماشوفشي ف عينك دموع
بحبك وعايزك يا بنت النجوع
يا بسمه رقيقه
برائه عنيك
جمال الحقيقه
وإيدي ف أديك
بحس السعادة ف كل الوجود
بحبك حبيبتي وخايف عليك
برغم البدايه بحس الوصول
لجنة ربيعك يا بنت الأصول
انا المصري
انا المصري
أنا الل شربت م نيلها
ف حزني وهمي بشكيلها
وانا الل حلفت أغنيلها
أغاني النصر
تعيشي يامصر تعيشي يامصر
أنا الل حفظت عنوانها
وانا الل حاكمت حكامها
وانا الل بحب قرأنها
ف وقت الفجر
تعيشي يا مصر تعيشي يا مصر
انا المنشاوي والحصري
وعبد الباسط المصري
أنا مصري
وانا مصري
وانا عمري فداكي يامصر
تعيشي يامصر تعيشي يامصر
تعيشي يا طبي يا عيشي
يا داري يا جاري يا خيشي
يا صوتي يا سيفي يا ريشي
يا زينة العصر
تعيشي يابلدي تعيشي يا مصر
تعيشي بجيشك المغوار
تعيشي ف جنه
لو ف النار
هنتحمل
سنين الخوف
وهنكمل
معاكي الصبر
تعيشي يا أمي تعيشي يا مصر
تعيشي تعيشي تعيشي يا مصر
تعيشي بشعبك الواعي تعيشي ف قلبي ونخاعي
تعيشي جوادي ودراعي وقلمي
من بداية السطر
تعيشي يا بلدي
تعيشي يا مصر
تعيشي تعيشي تعيشي يا مصر
تعيشي يا تاجي يا أمي
م انا المسلم وانا الذمي
وانا الل افديكي وبدمي
م انا المصري وليا الفخر
تحيا مصر تحيا مصر
مصر مصر تحيا مصر
تعيشي الأم للأمه
وأم الدنيا والعالم
الأحد، 15 فبراير 2015
الاشتراك في:
الرسائل (Atom)