حكاية حلم

 

 

أنا والليل والدمعة

ونور شمعة

وذكرة جميلة جوانا

بتسألني

لفين رايح

لمين عاشق

وفين انت من الأول

وفين قلمك واوراقك

وجمهورك وعشاقك

اوعاك تكون رافض تكون

اوعاك تكون عاشق عيون

وتنسى جرح احبابك

رد لصوابك

ولا صابك الجنون

اوعاك تكون حنيت لها

احزر تكون بتحبها

،

ارجع وفكر الف مرة

هيا ساكنة ف قلب جنة

وانت خارج سورها برا

سحرها يشبه قمر

لكن قدر ، تبقى بعيد

لو كنت فارس زي عنتر

افتح الباب الحديد

شقق الأرض بجيوشك

اسحر الرمش برموشك

راح تحوشك ، الظروف

يبقى ليه تبقى العنيد

عيد حسابك الف مرة

عيد حسابك من جديد

********

انت مين بالنسبة ليها

هيا مين بالنسبة ليك

انت اسم ف قلب صفحة

فيها الف او يذيد

انت لحظة فيها فرحة

بس طارحة أمل بعيد

تبقى مين بالنسبة ليها

وهيا مين بالنسبة ليك

هيا عندك زي طيرك

حلم عاشق سحر ليلك

بس ممولكة لغيرك

حضنه باقي ف حضنها

انت تحلم يوم تشوفها

وهو قاطف وردها

حتى حلمك لسه خايف

مين بيشرب م الشفايف

شهدها

لسه راجع ثاني تحلم

لسه عاشق قلبها

اه ف حلمك شفتها ، تشبه ملاك

حبها ، جواك ملاك

عنيها تسحر لما تنظر للقمر

سحر جنة وشمس دافية

حتى ف الليل ، والسهر

حدود رموشها ، زي سيف فارس شجاع

من غير قناع

يسحر عيون كل البشر

فيها حاجب عنها حاجب

كل جرح وكل شر

والخد فيها ورد بيها

يبقي اجمل م الخيال

بسمة واحدة فوق خدودها

قادرة تسحر الرجال

لون خدودها ، راح يدلك

إنها اصل الجمال

والشفايف ، تحلم إنك

ترتوي من شهدها

تعشق انك ، لو بإيدك

كنت تقطف وردها

من جمالها وسحرها

لون شعرها ، نسخ من لون الليالي

زي طير طاير وعالي ، ف السما

رفرف جناحه

تهون جراحك لما بتطيب جراحه

كل ده كان وصف حلمك

بس علمك ،

 هيا نايمة ف قصر غيرك

أصل غيرك ، كان نصيبها

مش هتفرق هيا  كارها

او حبيبها

الف رابط عاش رابطهم

سقف بيتهم

إبن منهم

حتي بينهم ، ذكريات

كمان حاجات  ، صعب أملك وصفها

يبقى ليه تحلم بوردة

هو مالك قطفها

يبقى حبك م المحال

دي أميرة ف الخيال

والرجال من طبعهم

لو احال دون حبهم

يرجعو تاني بقوة

احنا اسفينلك يا حوه

كل حلم حلمنا بيكي

كان صداقة او اخوة

صدقيني يا ست حوه

كل حلمي كان اخوة

 

 



اهداء الى ابي

 

 

هداء الى أبي

إحييني بيك

بلمستك بهمستك

ببسمتك

وارضى بنصيبك قسمتك

لو باقي يوم عيشه برضا

وإعلن ميلادك بالندا

راضي يارب بحكمتك

الشكر ليك

إفتح بيبانك للفرح

إفرح بوردك لو طرح

بسمة ف عنيك

اصبر وصبرك ليه جزاء

والجزاء عند الإله

وارضى بنصيبك ف البلاء

هو دا طبع الحياه ،،، وإحنا بشر

لازمنا نرضى بالقضاء

لازم هنرضى بالقدر ،،، واللي إنكتب

مين إتحجب

عن أمر كان من ربنا

مليون سلامة

يا حضن عاش بيضمنا

يا نور طريقنا وعمرنا

علمتنا

ان الحياة رحلة عمل

كنت المثل

ناصح ولقمان الحكيم

عشنا نفخر

‎     ,     ‎ إنك انت

أب لينا      

صح‎ 

  ‎ والله العظيم

 

إلي أغلى ما عندي ( والدي )



سياسة دين

سياسة دين

لإجل الكرامة تهون الدماء
وحب الإله يعلي الهمم

ومصر التي شعاع الضياء
لكل المدائن وكل الأمم

روح الحياة وضوء الرشاد
وأمن البرية منذ القدم

ولازلت أذكر قول الفاروق
أرض الكرام وأرض النعم

وها هو عصرآ عجيب امر
من المر ذاته كثير الزحم

رأيت الذئاب تقود البشر
فمات الضمير كموت القيم

والدين حقآ وحقآ أدين
أهل النفاق وبيع الذمم

فكيف السياسة , بدون الإيمان
وأين الأمان ف حكم الصمم
** *** **
لقد كنت قلت بأن الثناء
على الكفر كفرآ وجف القلم
** *** **
فعهد النبي البشير النذير
سيبقى بقاء يقيم القيم

** *** **

_________________


رحلة شقايا

إنتهيت لما ابتدت رحلة شقايا
كنت خايف من النهاية
والنتيجة بتتعلن فوق الجبين
لساه سجين حلم الصغر
قلبي رافض لو أمر
شيطان لعين
كنت عارف فين حدودي
وإن أعضائي شهود
كنت خاشع وف سجودي
دمعي يحفر ف الخدود
كنت عود اخضر ملون
بالسعادة والفرح
كنت شايف ارضي جنة
والنجوم ف سقف دارنا
زغزت قلبي انشرح
قلب عايش كل همه
انه يبقي زي ابوه
انه يفدي روحه دمه
هو واصحابه وعمه
لاجل بارليف يعبروه
كنت خايف م الزمان
يجرح الورد اللي فيا
السكوت لو سار امان
تبقى هيا دي القضية
والكنايس والمساجد
امر كان من قلب دير
جود ونايس للي ساكت
والسكوت اعمي الضمير
انحر الصدام ف عيده
امر واجب لو رضيتوا
بالمشاركة يالا شير
ليه تغير
وانت خنزيرك ملازمك
يبقى طاعته فرض لازمك
او لازمنا
*****
ياسنين المر صبي
اشكو من نفسي لربي
سر كربي
إتفقنا ف حفل لنجوم الطرب
وافترقنا الف حزب لم اقصانا اضرب
تلعب الدنيا بتاريخنا
والزمن راضي بصريخنا
والتراب اللي عصانا
قرد يضربنا بعصانا
سال دمانا راح ناسخنا
لأرض بور هد بيتنا سد سور
غربتنا الدنيا دهر
او ما يشبه من دهور
كل ما اليأس يصاحبنا
جهل طاغي راح ساحبنا
والسكوت على هتك حرمة
هو ده عين الفطور
*****
أسألو الارض اللي وسوسها المطر
كنت سامع همسه والسر ف ودانها
يومها دانها ، ليه تجف
وهو دمعه بيجري سيل
ذبد سيل لسه نايم عالشواطئ
كان تواطئ ولا حاجة شبه خوف
كان بياكل رغم موته
شحم رسب عالكتوف
حتي داره خدها جاره
إغتصبها ، سد طوف
واختطف زهرة وروده
كان بيمحي دور وجوده
سايكس بيكو كامب ديفد
والورق فوق الرفوف
كنت برجع بالسنين
رغم إني ف الربيع
شفت ف القلب اللي رافض
ان ذكرة فيه تضيع
شفت خالد لسه خالد
جوة ميدان المعارك
شفت حمزة جه وشارك
الفاروق ويا إبن عوف
كنت بخرج من كتابي مقفلوش
رغم جرحه كان بيضحك كان بشوش
معرفوش
الفجر اللي بيرتدي ثوب الغروب
شفت شايب كان بيرضع
وامه لسه ف مهدها
شافني عاشق لون خدودها
حبي ساكن قلبها
سب امي سبها
قاللي عيل لو يليل ليل غرامك
راح تموت
قلت اموت بس فيها
بص فيها
شوف جمال اليل ف سحر عيون قمرها
قالي نارها هتحرقك
قلت جنة هتمنحك
ورد وثمارها
جه قدرها
كلاب بتنهش ف التراب
شد سيفه قلت اضرب
قام فارقها فجأة غاب
لسه شايف جوة عيني
وردها بين النياب
قلت أذن كان أذاني هيا بينا عالكفاح
قالو عيل ليله ليل ولا عقله منه راح
*****
اختلف مني التسلسل
حرفي ضاع بين القيود
والقصيدة لو تمثل
يبقى أفضل إني اموت
لو شروق الفجر كسل
راح يكون ابني بلال
صعب موت يقبل توسل
هل في نصر بدون رجال